नमोबुद्ध नगरपालिकाको प्रमुखमा नेपाली कांग्रेसका कुन्साङ लामा र उपप्रमुखमा माओवादी केन्द्रका रत्नबहादुर लामा निर्वाचित भएका छन् ।
लामाले ११ हजार २ सय ११ मत ल्याई विजयी हुँदा उनका निकटम प्रतिस्पर्धी एमालेका राजन भुर्तेलले ५ हजार ८ सय २२ मत प्राप्त गरेका थिए । लामाले एमालेका राजन भुर्तेललाई ५ हजार ३ सय ८९ मतको अन्तरले पराजित गरेका हुन् ।
त्यस्तै उपप्रमुखमा माओवादी केन्द्रका उम्मेदवार रत्नबहादुर लामा ८ हजार १ सय ८७ मत ल्याउँदै विजयी हुँदा एमालेकी सम्झना लामाले ६ हजार ५ सय ४३ मत प्राप्त गरेकी थिइन् । उनले एमालेकी लामालाई १ हजार ६ सय ४४ मतले पछि पारेका हुन् ।
उक्त वडामा कांग्रेसले वडा नं २, ३, ५, ६ र ९ गरी ५ वडामा विजयी हासिल गरेको थियो भने एमालेले वडा नं ४, ८ र ११, माओवादी केन्द्रले वडा नं ७ र १० र वडा नं १ मा स्वतन्त्र उम्मेदवार विजयी भएका थिए ।
