काठमाडौँ मेयरमा स्वतन्त्र उम्मेदवार बालेन शाहले अग्रता कायमै रहेको छ । उनले १७ हजारभन्दा बढी मत अन्तरले अग्रता लिइरहेका हुन् । राष्ट्रियसभा गृहमा भइरहेको मतगणनामा अहिलेसम्मकाे मतपरिणामअनुसार स्वतन्त्र उम्मेदवार शाहले ४१,२७९ मत ल्याएका हुन् ।
त्यस्तै गठबन्धनबाट नेपाली कांग्रेसकी उम्मेदवार सिर्जना सिंहले एमाले उम्मेदवार केशव स्थापितलाई पछि पारेकी छिन् । सिर्जनाले २३,८५५ मत पाउँदा एमाले उम्मेदवार केशव स्थापितले २३,०२४ मत पाएका छन् । केशव सिर्जना भन्दा ८३१ मतले पछि रहेका हुन् ।
बालेन साह कांग्रेसकी सिर्जनाभन्दा १७,४२४ मतले र एमालेका स्थापित भन्दा १८,२५५ मत अन्तरले अगाडि रहेका छन् । त्यसैगरी काठमाडौं महानगरपालिकाको उपमेयरमा नेकपा एमालेकी उम्मेदवार सुनिता डंगोलले अग्रता लिएकी छिन् । सुनिताले ३४,१२८ मत ल्याएकी छिन् । त्यस्तै गठबन्धनबाट नेकपा एकीकृत समाजवादीका उम्मेदवार रामेश्वर श्रेष्ठले ११,२६० मत पाएका छन् भने राप्रपाकी उम्मेदवार विनिता मगैयाले ७,१९३ मत पाएकी छन् ।
