नेपालमा आज (मंगलबार) सुनको मूल्य स्थिर रहेको छ । स्थानीय बजारमा आज छापावाल सुनको मूल्य प्रतितोला रु ९७ हजार ७०० रहेकोमा सोमबार पनि रु ९७ हजार ७०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९७ हजार २०० रहेकामा सोमबार पनि प्रतितोला रु ९७ हजार २०० मा कारोबार भएकोे थियो । यसैगरी आज चाँदीको मूल्य पनि सोमबारकै मूल्य अनुसार नै कारोबार भएको छ । सोमबार चाँदी प्रतितोला रु एक हजार २५५ मा कारोबार भएको थियो ।

महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा सुनको मूल्य प्रतिऔंस १ हजार ८२५ डलरमा खरीदविक्री भइरहेको छ ।