नवकान्तिपुर संवाददाता
काठमाडौं, १६ असार ।
आईसीसी टी-ट्वान्टी अलराउण्डर वरीयतामा नेपाली राष्ट्रिय क्रिकेट टिमका अलराउण्डर दिपेन्द्र सिंह ऐरी नवौँ स्थानमा रहेका छन् । अन्तर्राष्ट्रिय क्रिकेट परिषद (आईसीसी) ले सार्वजनिक गरेको नयाँ वरीयतामा दिपेन्द्र नवौँ स्थानमा रहेका हुन् ।
उनी यसअघि पनि नवौँ स्थानमा रहेका थिए । त्यस्तै आईसीसीले जारी गरेको ब्याटिङ वरीयतामा नेपालका कुशल भुर्तेल ३८ औं स्थानमा रहेका छन् भने दिपेन्द्र ४२ औं र आसिफ शेख ९८ औं स्थान रहेका छन् ।
यसैगरी नेपालका कप्तान सन्दीप लामिछाने बलिङ वरीयताको ४० औं स्थानमा रहँदा अविनास बोहरा ९३ औं स्थानमा रहेका छन् ।
