नेपालमा आज (सोमबार) सुनको मूल्य ४०० रुपैयाँले बढेको छ । स्थानीय बजारमा आज छापावाल सुनको मूल्य प्रतितोला रु ९४ हजार रहेकोमा आइतबार रु ९३ हजारमा ६०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९३ हजार ५०० रहेकामा आइतबार प्रतितोला रु ९३ हजार १०० मा कारोबार भएकोे थियो । यसैगरी आज चाँदीको मूल्य भने आइतबारको मूल्य भन्दा ५ रुपैयाँ बढ्दै रु एक हजार १६५ मा कारोबार भएको छ । आइतबार चाँदी प्रतितोला रु एक हजार १६० मा कारोबार भएको थियो ।

महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुनको मूल्य प्रतिऔंस १ हजार ७१४ दशमलव ९१ डलर पुगेको छ ।