नेपालमा आज (शुक्रबार) सुनको मूल्य ७०० रुपैयाँले बढेको छ । स्थानीय बजारमा आज छापावाल सुनको मूल्य प्रतितोला रु ९६ हजार ८०० रहेकोमा बिहीबार रु ९६ हजार १०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९६ हजार ३०० रहेकामा बिहीबार प्रतितोला रु ९५ हजार ६०० मा कारोबार भएकोे थियो । यसैगरी आज चाँदीको मूल्य  बिहीबारको मूल्य भन्दा १० रुपैयाँ बढ्दै एक हजार २२० मा कारोबार भएको छ । बिहीबार चाँदी प्रतितोला एक हजार २१० मा कारोबार भएको थियो ।

महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुनको मूल्य प्रतिऔंस १ हजार ७९१ दशमलव ४८ डलर रहेको छ ।