संयुक्त राज्य अमेरिकाको कोलोराडो राज्यमा दुई वटा साना विमान आकाशमा ठोक्किदा ३ जनाको मृत्यु भएको छ । शनिबार कोलोराडो राज्यमा दुई वटा साना विमान एकआपसमा ठोक्किएका थिए ।

वोल्डर काउन्टी शेरिफको कार्यालयले उक्त दुर्घटनाको पुष्टि गरेको छ । विमानको भग्नावशेष बेग्लाबेग्लै स्थानमा भेटिएका काउन्टी शेरिफको कार्यालयले बताएको छ । दुई विमानमध्ये एउटा विमानमा दुई जना र अर्कोमा एक जना सवार थिए ।

दुर्घटनाको विषयमा युएस नेशनल ट्रान्सपोर्टेशन सेफ्टी बोर्डले अनुसन्धान गरिरहेको छ ।