नेपालमा आज (बिहीबार) सुनको मूल्य स्थिर रहेको छ । स्थानीय बजारमा आज छापावाल सुनको मूल्य प्रतितोला रु ९४ हजार २०० रहेकोमा बुधबार पनि रु ९४ हजार २०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९३ हजार ७०० रहेकामा बुधबार पनि प्रतितोला रु ९३ हजार ७०० मा कारोबार भएकोे थियो । यसैगरी आज चाँदीको मूल्य भने बुधबारको मूल्य भन्दा १० रुपैयाँ घट्दै एक हजार १९० कारोबार भएको छ । बुधबार चाँदी प्रतितोला एक हजार २०० मा कारोबार भएको थियो ।

महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा बिहीबार बिहान नेपाली समय अनुसार ११ः३० बजे सुनको मूल्य प्रतिऔंस १ हजार ६७० दशमलव ८२ पुगेको छ ।