नवकान्तिपुर संवाददाता
काठमाडौं, ३१ असोज ।
मौसम पूर्वानुमान महाशाखाले जनाए अनुसार सुदूरपश्चिम र कर्णाली प्रदेशका पहाडी भू–भागमा आंशिक बदली रही बाँकी प्रदेशहरूमा आजको मौसम सामान्यतः सफा रहने छ ।
देशका पश्चिमी पहाडी भू–भागमा आंशिक बदली रही बाँकी भू–भागमा मौसम सामान्यतः सफा रहने छ भने सुदूरपश्चिम र कर्णाली प्रदेशका एक–दुई स्थानमा हल्का वर्षाको सम्भावना रहेको मौसमविद्ले बताएका छन् ।
आज राति पहाडी भू–भागमा आंशिक बदली रही बाँकी भू–भागमा मौसम सामान्यतः सफा रहने पूर्वानुमान मौसम विभागले गरेको छ ।
