अन्तर्राष्ट्रिय क्रिकेट परिषद् (आईसीसी) को टी-२० ब्याटिङको नयाँ वरीयतामा दीपेन्द्र सिंह ऐरीले सुधार गरेका छन् । आईसीसीले बुधबार सार्वजनिक गरेको नयाँ वरीयतामा दीपेन्द्रले एक स्थान सुधार गरेका हुन् ।

नयाँ वरीयतामा दीपेन्द्र ६२ औं स्थानमा उक्लिएका छन् । यसअघि दीपेन्द्र ६२ औं स्थानमा रहेका थिए । त्यस्तै कुशल भुर्तेल भने ५३ औं स्थानमा यथावत रहेका छन् । त्यस्तै टी–२० को बलिङतर्फको वरीयतामा सन्दीप लामिछाने २ स्थान तल झर्दै ७३ औँ स्थानमा झरेका छन् । टी-२० ब्याटिङतर्फ पाकिस्तानका मोहमद रिजवान शीर्ष स्थानमा रहँदा बलिङमा अष्ट्रेलियाका जोस हाजलउड शीर्ष स्थानमा रहेका छन् ।

यस्तै दीपेन्द्र अलराउण्डर वरीयतामा ऐरी एक स्थान तल झर्दै १० औं स्थानमा रहेका छन् । बंगलादेशका शाकिब अल हसन अलराउण्डरको शीर्ष स्थानमा छन् ।