जबरजस्ती करणी गरेको अभियोगमा एक जना पक्राउ परेका छन् । २८ वर्षीया महिलालाई जबरजस्ती करणी गरेको अभियोगमा प्रहरीले आइतबार एक जनालाई पक्राउ गरेको हो ।

पक्राउ पर्नेमा कपिलवस्तु, मायादेवी गाउँपालिका- २ अभिराव बस्ने २० वर्षीय जोगिन्द्र पासी रहेका छन् । पासीले ती महिलालई जबरजस्ती करणी गरेको उजुरीको आधारमा इलाका प्रहरी कार्यालय पकडीबाट खटिएको प्रहरीले उनलाई पक्राउ गरेको हो ।

पछिल्लो समयमा नेपालमा जबरजस्ती करणीको घटना बढ्दै गएको छ । यस सम्बन्धमा प्रहरीले आवश्यक अनुसन्धान गरिरहेको छ ।