घरेलु टोली नेपाल र भ्रमणकारी टोली युएईबीचको दोस्रो एकदिवसीय खेल आज (बुधबार) हुँदैछ । कीर्तिपुरस्थित टियु क्रिकेट मैदानमा हुने नेपाल र युएईबीचको खेल बिहान ९ बजे सुरु हुनेछ ।

घरेलु टोली नेपाल आज युएईविरुद्धको जित निकाल्दै सिरिज जोगाउने योजनामा रहेको छ भने पाहुना टोली युएई भने नेपाललाई पराजित गर्दै सिरिज आफ्नो बनाउने पक्षमा रहेको छ । सोमबार भएको पहिलो खेलमा युएईले नेपाल ८४ रनले पराजित गरेको थियो ।

त्यसैले नेपाललाई सिरिज जोगाउन आज युएईविरुद्ध जित्नै पर्ने दबाब रहेको छ । तीन खेलको सिरिजमा युएई १-० ले अघि रहेको छ । युएई र नेपालबीचको तेस्रो तथा अन्तिम खेल भने आगामी शुक्रबार हुनेछ । हेड टु हेडमा अहिसेसम्म यी दुई टिमबिच कुल ७ खेल हुँदा युएईले ५ खेलमा जित निकाल्दा नेपालले २ खेलमा जित हासिल गरेको छ ।