अर्जेन्टिना कत्तारमा जारी विश्वकप फुटबलको क्वाटरफाइनलमा प्रवेश गरेको छ । शनिबार राती भएको खेलमा अष्ट्रेलियालाई २–१ को अन्तरले हराउँदै अर्जेन्टिना विश्वकपको क्वाटरफाइनलमा पुगेको हो ।

अर्जेन्टिनालाई जित दिलाउन कप्तान लियोनल मेस्सी र जुलियन आल्भारेजले १–१ गोल गरेका थिए ।

यस खेलसँगै विश्वकपमा २२ खेल पुर्याएका मेसीले यसअघि म्याराडोनाको नाममा रहेको अर्जेन्टिनाबाट विश्वकपमा सर्वाधिक खेल खेल्ने खेलाडीको कीर्तिमान आफ्नो नाममा लेखाउन सफल भएका छन् । यसअघि म्याराडोनाले विश्वकपमा अर्जेन्टिनाबाट २१ खेल खेलेका थिए ।

क्वाटरफाइनलमा अर्जेन्टिना र नेदरल्याण्ड आमने–सामने हुनेछन् ।