देशका विभिन्न स्थानबाट मृत अवस्थामा ४ जना फेला परेका छन् । काभ्रे, धुलिखेल नगरपालिका-१२ संखुपाटीचौरस्थित मानव कल्याण समाज सेवा भवनमा सुतेकै ठाउँमा रामेछाप खाडाँदेवी गाउँपालिका-१ बस्ने ७७ वर्षीय दुर्गा प्रसाद श्रेष्ठ बुधबार मृत अवस्थामा फेला परेका छन् ।
यसैगरी काभ्रे, खानीखोला गाउँपालिका-७ खजेरी घर भई हाल पनौती नगरपालिका-४ ज्याला पाटी डेरा गरी बस्ने ४६ वर्षीय रण बहादुर तिमल्सिना आफ्नै कोठामा बुधबार मृत अवस्थामा फेला परेका छन् । यता मोरङ, उर्लाबारी नगरपालिका-१ चिसापानी बस्ने २३ वर्षीया सचिता माझी सोही ठाउँस्थित बक्राखोला किनारमा बुधबार मृत अवस्थामा फेला परेकी छन् ।
त्यस्तै कास्की, पोखरा महानगरपालिका-१४ बाच्छेबुढुवास्थित सेती नदी किनारमा सोही ठाउँ बस्ने म्याग्दी घर भएका ७४ वर्षीय पदम प्रसाद छन्त्याल बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
