देशका विभिन्न स्थानबाट मृत अवस्थामा ११ जना फेला परेका छन् । काठमाडौं, नागार्जुन नगरपालिका-७ बस्ने ५० वर्षीया बिमली तामाङ आफ्नो घर नजिकै बारीमा शुक्रबार मृत अवस्थामा फेला परेकी छिन् ।
यसैगरी काठमाडौं, चन्द्रागिरी नगरपालिका-११ सिप्रदीस्थित सडक छेउमा हाल नाम, थर, वतन, खुल्न नखुलेका अन्दाजी ४५ वर्षीय पुरुष शुक्रबार मृत अवस्थामा फेला परेका छन् । यता उदयपुर, उदयपुरगढी गाउँपालिका-६ बोरीबोटे बस्ने ६० वर्षीय हस्त बहादुर तामाङ सोही ठाउँस्थित साम्दानीमा शुक्रबार मृत अवस्थामा फेला परेका छन् ।
बुधबार घरबाट हराई बेपत्ता भएको उनको खोजी गर्ने क्रममा उक्त स्थानमा शव फेला परेको हो । त्यस्तै अर्घाखाँची, भुमिकास्थान नगरपालिका-१० पाकुस्थित खोल्सामा सोही नगरपालिका-१० लामडाँडा बस्ने ६० वर्षीय ऋषिराम सारु शुक्रबार मृत अवस्थामा फेला
परेका छन् ।
यस्तै कपिलवस्तु, बुद्धभूमि नगरपालिका-१० चेतरादेहीस्थित नमस्ते पिपलधारा होटल नजिक हाल नाम, थर, वतन, नखुलेका अन्दाजी ७० वर्षीय पुरुष शुक्रबार मृत अवस्थामा फेला परेका छन् । त्यसैगरी सुर्खेत, गुर्भाकोट नगरपालिका-११ आँपसोतीस्थित भेरी नदीमा सोही नगरपालिका- ९ भुल्के बस्ने ७० वर्षीय दलजित पुन बिहीबार मृत अवस्थामा फेला परेका छन् ।
यता बारा, जितपुरसिमरा उपमहानगरपालिका-१४ चौधरी टोल बस्ने ३४ वर्षीय राम अशिष माझी सोही ठाउँस्थित उखु खेतमा बिहीबार मृत अवस्थामा फेला परेका छन् । त्यस्तै रौतहट, ईशनाथ नगरपालिका-४ लतमरीस्थित दशगजामा भारत घर भएका ३० वर्षीय शंकर राम बिहीबार मृत अवस्थामा फेला परेका छन् ।
उता बाँके, नेपालगंज उपमहानगरपालिका-१० बस्ने कृष्णराज गुप्ताको घरको गेटमा हाल नाम, थर, वतन नखुलेका अन्दाजी ३५ वर्षीय पुरुष शुक्रबार मृत अवस्थामा फेला परेका छन् । यस्तै काठमाडौं, सिमरा उपमहानगरपालिका-१५ घर भई हाल टोखा नगरपालिका-८ ग्रिनल्याण्ड डेरा गरी बस्ने २२ वर्षीय सुजन लोपचन आफ्नै कोठामा बिहीबार मृत अवस्थामा फेला परेका छन् ।
यसैगरी सल्यान, बागचौर नगरपालिका-२ तल्लो चिलढाले बस्ने ४७ वर्षीय अमर बहादुर डाँगी सोही ठाउँस्थित मरेला खहरे खोलामा बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।
