देशका विभिन्न स्थानबाट मृत अवस्थामा ४ जना फेला परेका छन् । बैतडी, दशरथचन्द नगरपालिका-५ बस्कोट शहिद गेटस्थित खोल्सामा सोही नगरपालिका- ५ शिवमन्दिर चमखाली बस्ने ५५ वर्षीय लक्ष्मण नायक मंगलबार मृत अवस्थामा फेला परेका छन् ।

त्यस्तै कञ्चनपुर, बेदकोट नगरपालिका-५ धर्मपुर बिचफाँटा बस्ने ४० वर्षीय बसन्त राना आफ्नै घरको बरण्डामा मंगलबार मृत अवस्थामा फेला परेका छन् । यता बैतडी, सुर्नया गाउँपालिका-५ हरिचन बस्ने ७० वर्षीया मानमती मडै आफ्नै घरमा सोमबार मृत अवस्थामा फेला परेकी छिन् ।

यस्तै दाङ, बंगलाचुली गाउँपालिका-२ सुका खोलामा सोही गाउँपालिका टाकुरा बस्ने ७४ वर्षीय टिकाराम रोका सोमबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।