जनता समाजवादी पार्टी, नेपालका अध्यक्ष उपेन्द्र यादव र नेपाली काङ्ग्रेसका वरिष्ठ नेता रामचन्द्र पौडेलबीच भेटघाट भएको छ । शुक्रबार जसपाको केन्द्रीय कार्यालयमा अध्यक्ष यादव र नेता पौडेलबीच भेटवार्ता भएको हो ।

करिब आधा घण्टा भएकोभेटमा नेता पौडेलले राष्ट्रपतिमा आफूलाई सहयोग गर्न अध्यक्ष यादवलाई अनुरोध गरेका थिए । यता यादवले उपराष्ट्रपतिबारे चासो व्यक्त गरेका थिए ।

यसैबीच जसपाले आइतबार कार्यकारिणी समितिको बैठक बोलाएको छ । बैठकमा राष्ट्रपतिको निर्वाचन, विधान अधिवेशनको तयारी लगायतका विषयमा छलफल हुने जसपाले जनाएको छ ।