देशका विभिन्न स्थानबाट मृत अवस्थामा ९ जना फेला परेका छन् । काठमाडौं, काठमाडौं महानगरपालिका-२६ गल्को पाखा, सुकुबाहाल डेरा गरी बस्ने बिराटनगर घर भएकी २० वर्षीया लिलिमा तामाङ नाम गरेकी महिला आफ्नै ओछ्यानमा आइतबार मृत अवस्थामा फेला परेकी छन् ।

त्यस्तै भक्तपुर, सूर्यविनायक नगरपालिका-८ आशापुरीस्थित सामुदायिक जंगलमा हाल नाम, थर, वतन नखुलेका करिब ४५ वर्षीय पुरुष आइतबार मृत अवस्थामा फेला परेका छन् । यता बर्दिया, मधुवन नगरपालिका-४ गम्मका बस्ने ५० वर्षीया दहनी थरुनी आफ्नै घरमा आइतबार मृत अवस्था फेला परेकी छन् ।

यस्तै नवलपरासी (पूर्व), विनयी त्रिवेणी गाउँपालिका-१ सिसेनी बस्ने ३१ वर्षीय दिनेश कुमाल आफ्नै घरमा आइतबार मृत अवस्थामा फेला परेका छन् । उता ओखलढुंगा, मोलुङ गाउँपालिका-७ तालकोट बस्ने ३० वर्षीय छिरि शेर्पा सोही ठाउँ बस्ने कुसाङ शेर्पाको भान्छा घरमा रहेको काठको खाटमा आइतबार मृत अवस्थामा फेला परेका छन् ।

यता ललितपुर, ललितपुर महानगरपालिका-२२ फर्सीडोलस्थित श्री नम्बर १ इँटाभट्टामा काम गरी बस्ने रोल्पा रुम्दीगढी गाउँपालिका-६ घर भएका ४७ वर्षीय धन बहादुर ओली सुतेकै स्थानमा शनिबार मृत अवस्थामा फेला परेका छन् । त्यसैगरी रौतहट, चन्द्रपुर नगरपालिका-४ हातेमालो सामुदायिक जंगलमा सोही नगरपालिका-८ बैजनाथपुर बस्ने २५ वर्षीया सिता देवी चौधरी शनिबार मृत अवस्थामा फेला परेकी छिन् ।

यसैगरी इलाम, देउमाइ नगरपालिका-७ नामथला तामाङ गाउँ बस्ने ४६ वर्षीय पूर्ण बहादुर जिम्बा (तामाङ) सोही ठाउँस्थित बाटोमा आइतबार मृत अवस्थामा फेला परेका छन् । त्यस्तै धनुषा, धनुषाधाम नगरपालिका-५ नौसय उत्तरबारी टोल बस्ने ३८ वर्षीय मतेश्वर साह सोही ठाउँस्थित हनुमान मन्दिरको सार्वजनिक ढलानमा आइतबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।