नवकान्तिपुर संवाददाता
काठमाडौं, २४ चैत ।
नेपालमा आज (शुक्रबार) सुनको मूल्य ८०० रुपैयाँले बढेको छ । स्थानीय बजारमा आज छापावाल सुनको मूल्य प्रतितोला रु १ लाख ११ हजार रहेकोमा बिहीबार रु १ लाख १० हजार २०० मा कारोबार भएको थियो । गत बुधबार कीर्तिमान कायम गरेकाे सुनको भाउ दुई दिनपछि सोही मूल्य कायम भएकाे हो ।
नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु १ लाख १० हजार ५०० रहेकामा बिहीबार प्रतितोला रु १ लाख ९ हजार ६५० मा कारोबार भएकोे थियो । यसैगरी आज चाँदीको मूल्य पनि बिहीबारको मूल्य भन्दा ५ रुपैयाँ बढ्दै एक हजार ४४० कारोबार भएको छ । बिहीबार चाँदी प्रतितोला एक हजार ४३५ मा कारोबार भएको थियो ।
महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । सुनको मूल्यले बुधबार (चैत २२) गते रेकर्ड कायम गरेको थियो । उक्त दिन स्थानीय बजारमा बुधबार छापावाल सुनको मूल्य प्रतितोला रु १ लाख ११ हजार र तेजाबी सुनको मूल्य प्रतितोला रु १ लाख १० हजार ५०० मा कारोबार भएको थियो ।
