देशका विभिन्न स्थानबाट मृत अवस्थामा ४ जना फेला परेका छन् । कास्की, पोखरा महानगरपालिका-२८ कालिकाथानस्थित सडकमा सोही महानगरपालिका-२८ शान्ति मैदान बस्ने ६१ वर्षीया झ्याउरी नेपाली आइतबार मृत अवस्थामा फेला परेकी छन् ।

त्यस्तै नुवाकोट, पञ्चकन्या गाउँपालिका-३ सापकोटा टोल बस्ने ६० वर्षीय गोपी भण्डारी आफ्नै घरदेखि १ किलोमिटर टाढा कच्ची सडकमा आइतबार मृत अवस्थामा फेला परेका छन् । यता काभ्रे, चौरी देउराली गाउँपालिका-५ ढोकाडाँडा बस्ने ५८ वर्षीय निलकण्ठ गौतम सोही ठाउँस्थित जंगलमा शनिबार मृत अवस्थामा फेला परेका छन् ।

यस्तै मकवानपुर, गढी गाउँपालिका-१ बुधनेटोल बस्ने २९ वर्षीया सिता मायाँ भोलन सोही ठाउँस्थित लोसि खोल्सीमा शुक्रबर मृत अवस्थामा फेला परेकी छिन् । नुहाउन जान्छु भनि घरबाट हिँडेकी उनी घर नफर्किएपछि खोजी गर्ने क्रममा शव फेला परेको हो । यस सम्बन्धामा प्रहरीले आवश्यक अनुसन्धान गरिरहेको छ ।