देशका विभिन्न स्थानबाट मृत अवस्थामा ४ जना फेला परेका छन् । बारा, जितपुरसिमारा उपमहानगरपालिका-७ फकिरा गिरी स्कुलको कम्पाउण्डको नालामा भारत बिहार दरभंगा लाल बाग वडा बजार घर भई बारा जितपुरमा कवाडीको काम गरी बस्ने ४९ वर्षीय प्रमोद शर्मा बुधबार मृत अवस्थामा फेला परेका छन् ।

त्यस्तै झापा, बिर्तामोड नगरपालिका-७ बेम्बोहाउस बस्ने ४० वर्षीया आरती मण्डल सोही नगरपालिका-८ संकरबारीस्थित एक घरको शौचालयमा मंगलबार मृत अवस्थामा फेला परेकी छिन् । यता धनुषा, गणेशमान चारनाथ नगरपालिका-१ काली खोलाको बजारमा हाल नाम, थर, वतन नखुलेका अन्दाजी २५ वर्षीय पुरूष मंगलबार मृत अवस्थामा फेला परेका छन् ।

यस्तै सुनसरी, दुहबी नगरपालिका-३ फुटानी चोकस्थित सडक पेटीमा हाल नाम, थर, वतन नखुलेका अन्दाजी ५५ वर्षीय पुरुष मंगलबर मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।