देशका विभिन्न स्थानबाट मृत अवस्थामा ७ जना फेला परेका छन् । बाग्लुङ, ढोरपाटन नगरपालिका-२ टारीखेत बस्ने ६० वर्षीय छेम बहादुर अदई सोही ठाउँस्थित आफ्नै खेतमा बुधबार मृत अवस्थामा फेला परेका छन् । मंगलबार राति घरबाट हिडेका उनी फर्की नआएपछि खोजी गर्ने क्रममा शव फेला परेको हो ।

त्यस्तै प्युठान, प्युठान नगरपालिका-१ धाईरेचौरस्थित माडीखोलाको किनार छेउमा सोही ठाउँ बस्ने ४८ वर्षीय चन्द्र बहादुर खत्री क्षेत्री बुधबार मृत अवस्थामा फेला परेका छन् । यता काठमाडौं, गोकर्णेश्वर नगरपालिका-६ नारायणटारस्थित शंखरापुर अस्पतालको शौचालयमा हाल नाम, थर, वतन नखुलेका अन्दाजी ३२ वर्षीय पुरुष बुधबार मृत अवस्थामा फेला परेका छन् ।

यसैगरी काठमाडौं महानगरपालिका-१५ स्वयम्भू जनगल्ली बस्ने ३५ वर्षीय होम बहादुर परियार आफ्नै घरको कोठामा मंगलबार मृत अवस्थामा फेला परेका छन् । यस्तै धनुषा, मिथला नगरपालिका-११ स्थित सुनाखरी सामुदायिक वनमा महोत्तरी बर्दिवास नगरपालिका-३ पछाहिधाप बस्ने २८ वर्षीय अजय माझी मंगलबार मृत अवस्थामा फेला परेका छन् ।

यता बाँके, कोहलपुर नगरपालिका-११ कृषिचोकस्थित अनमोल गेष्ट हाउसमा सोही नगरपालिका-१२ बस्ने ३१ वर्षीय हरि शर्मा पौडेल मंगलबार मृत अवस्थामा फेला परेका छन् । उता [ गोरखा, गोरखा नगरपालिका-११ नाकापानी बस्ने ५७ वर्षीय एकराज परियार आफ्नै घरमा मंगलबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।