देशका विभिन्न स्थानबाट मृत अवस्थामा ४ जना फेला परेका छन् । मकवानपुर, हेटौंडा उपमहानगरपालिका-१९ बस्तीपुर बस्ने ५० वर्षीय वीर बहादुर घलान सोही उपमहानगरपालिका-१२ चकरी खोलामा बिहीबार मृत अवस्थामा फेला परेका छन् ।

त्यस्तै काठमाडौं, कीर्तिपुर नगरपालिका-८ पांगा सालिक डेरा गरी बस्ने कञ्चनपुर घर भएकी २८ वर्षीया सरिता भट्ट आफ्नै कोठामा बुधबार मृत अवस्थामा फेला परेकी छिन् । यसैगरी काठमाडौं महानगरपालिका-१४ कलंकीस्थित द लुम्बिनी गेष्ट हाउसमा कोठा लिई मंगलबार बेलुकीदेखि बसेका नुवाकोट घर भएका ६० वर्षीय सिताराम कँडेल बुधबार मृत अवस्थामा फेला परेका छन् ।

यस्तै बाग्लुङ, ढोरपाटन नगरपालिका-२ टारीखेत बस्ने ६० वर्षीय छेम बहादुर अदई सोही ठाउँस्थित आफ्नै खेतमा बुधबार मृत अवस्थामा फेला परेका छन् । मंगलबार राति घरबाट हिँडेका उनी फर्की नआएपछि खोजी गर्ने क्रममा शव फेला परेको हो । यस सम्बन्धमा प्रहरीले आवश्यक अनुसन्धान गरिरहेको छ ।