देशका विभिन्न स्थानबाट मृत अवस्थामा ४ जना फेला परेका छन् । कास्की, पोखरा महानगरपालिका-१८ अधेरीकुनास्थित डेरा गरी बस्ने झापा काकँडभिट्टा घर भएका ३५ वर्षीया रुपा तामाङ बुधबार मृत अवस्थामा फेला परेकी छन् ।

त्यस्तै चितवन, माडी नगरपालिका-९ बस्ने ५५ वर्षीय बलराम प्रजा सोही ठाउँस्थित कुसुम खोलामा बुधबार मृत अवस्थामा फेला परेका छन् । यता इलाम, इलाम नगरपालिका-३ तल्लो खत्री गाउँ बस्ने ७५ वर्षीया चन्द्र माया न्यौपाने आफ्नै घरमा मंगलबार मृत अवस्थामा फेला परेकी छिन् ।

यस्तै भोजपुर, षडानन्द नगरपालिका-१४ बिहिबारे मगर टोल बस्ने ६८ वर्षीय तिखे सार्की सोही ठाउँस्थित बाटो‍को नालीमा बुधबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।