देशका विभिन्न स्थानबाट मृत अवस्थामा ६ जना फेला परेका छन् । काठमाडौं महानगरपालिका-७ चाबहिल लामपोखरीस्थित सडक पेटीमा हाल नाम, थर, वतन नखुलेका अन्दाजी ५५ वर्षीय पुरुष आइतबार मृत अवस्थामा फेला परेका छन् ।

त्यस्तै बाँके, डुडुवा गाउँपालिका-१ टेपरीस्थित भारत बहराइच हुलिया ग्राम पंचायत बस्ने ३५ वर्षीय कोइली मुराउ आइतबार मृत अवस्थामा फेला परेका छन् । यता कपिलवस्तु, शिवराज नगरपालिका-९ रमुवादह बस्ने ४२ वर्षीया सिता कुमारी बुढा मगर आफ्नै घरको आगनमा आइतबार मृत अवस्थामा फेला परेकी छिन् ।

यस्तै झापा, अर्जुनधारा नगरपालिका-४ निलडाँडास्थित पोखरीमा सोही ठाउँ बस्ने ५४ वर्षीया सरस्वती मगर आइतबार मृत अवस्थामा फेला परेकी छिन् । उता धादिङ, गजुरी गाउँपालिका-५ गजुरीस्थित त्रिशुली नदीको किनारमा नुवाकोट बिदुर नगरपालिका-३ शिरपाली बस्ने ८० वर्षीय कृष्ण बहादुर रिमाल शनिबार मृत अवस्थामा फेला परेका छन् ।

यता रुपन्देही, बुटवल उपमहानगरपालिका-११ प्रगतिनगर बस्ने ५२ वर्षीय रुक बहादुर बयम्बु आफ्नै सुत्ने कोठामा शनिबार मृत अवस्थामा फेला परेका छन । यस सम्बन्धमा प्रहरीले थप अनुसन्धान गरिरहेको छ ।