देशका विभिन्न स्थानबाट मृत अवस्थामा १० जना फेला परेका छन् । महोत्तरी, गौशाला नगरपालिका-१ रामनगरस्थित प्रतिक्षालयमा भारत उत्तर प्रदेश जोगी डेरा कानपुर देहात बस्ने ७० वर्षीय जरदान नाथ बुधबार मृत अवस्थामा फेला परेका छन् । उनी गाउँघरमा सर्प खेलाई हिँड्ने गरेको बुझिएको छ ।

त्यस्तै पाँचथर, फाल्गुनन्द गाउँपालिका-२ कोलबुङ बस्ने २१ वर्षीय सबिन तामाङ सोही ठाउँस्थित लामा खोल्सामा बुधबार मृत अवस्थामा फेला परेका छन् । यता सुर्खेत, गुर्भाकोट नगरपालिका-१२ राईकेस्थित बारीमा गुर्भाकोट नगरपालिका-१४ बस्ने ६३ वर्षीय पबिराम रोकाया बुधबार मृत अवस्थामा फेला परेका छन् ।

यस्तै सिरहा, लहान नगरपालिका-३ स्थित प्रादेशिक अस्पताल लहान अगाडिको प्रतिक्षालयमा हाल नाम, थर, वतन नखुलेका ३० वर्षीय पुरुष बुधबार मृत अवस्थामा फेला परेका छन् । यसैगरी काठमाडौं महानगरपालिका-२९ अनामनगर भाटभटेनीस्थित लिब्रेटी कलेजको भवनभित्र रहेको इनारमा उक्त कलेजमा काम गर्ने भक्तपुर, भक्तपुर नगरपालिका-५ भेलुखेत घर भई हाल काठमाडौं टेकु बस्ने ४० वर्षीय राम देउला मंगलबार मृत अवस्थामा फेला परेका छन् ।

यता झापा, दमक नगरपालिका-१ बरगाछी टोल बस्ने ६४ वर्षीय भिम बहादुर एक्तेन सोही ठाउँस्थित आँखा शिविर अस्पताल अगाडि मंगलबार मृत अवस्थामा फेला परेका छन् । यसैगरी चितवन, भरतपुर महानगरपालिका-१८ डाँडागाउँ भन्ने स्थानमा रहेको पुल मुनी सोही ठाउँ बस्ने ४५ वर्षीय बिक्रम गुरुङ बुधबार मृत अवस्थामा फेला परेका छन् ।

उता रूपन्देही, बुटवल उपमहानगरपालिका-५ तिनाउ पुलस्थित खोलामा सोही उपमहानगरपालिका-१२ पार्वती नगर बस्ने बिष्णु दमाईकी छोरी ५ वर्षीया रिदिमा परियार मंगलबार मृत अवस्थामा फेला परेकी छिन् । यस्तै मोरङ, बुढिगंगा गाउँपालिका-५ डिप्पु टोलस्थित बुढी खोलामा हाल नाम, थर, वतन नखुलेका अन्दाजी ४० वर्षीय पुरुष मंगलबार मृत अवस्थामा फेला परेका छन् ।

त्यस्तै कैलाली, धनगढी उपमहानगरपालिका-१७ पथरीस्थित शिवगंगा नदीको किनारमा हाल नाम, थर, वतन नखुलेका अन्दाजी ६५ वर्षीय पुरुष बुधबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।