देशका विभिन्न स्थानबाट मृत अवस्थामा ६ जना फेला परेका छन् । अछाम, चौरपाटी गाउँपालिका-४ आमसेरा बस्ने ५३ वर्षीय खडक सिह धामी साँफेबगर नगरपालिका-१ डाँडाँसुडामा सोमबार मृत अवस्थामा फेला परेका छन् ।

त्यस्तै कास्की, पोखरा महानगरपालिका-१८ स्थित फेवातालको किनारमा हाल नाम, थर, वतन नखुलेका करिब ४५ वर्षीय पुरुष सोमबार मृत अवस्थामा फेला परेका छन् । यसैगरी कास्की, पोखरा महानगरपालिका-१४ नविनटोलस्थित नहर कुलोमा हाल नाम, थर, वतन, नखुलेका करिब ४५ वर्षीय पुरुष सोमबार मृत अवस्थामा फेला परेका छन् ।

यस्तै सल्यान, सिद्धकुमाख गाउँपालिका-१ बेलौतिघारीस्थित राप्ती राजमार्गको छेउमा बागचौर नगरपालिका-८ कोटमौला बस्ने ६५ वर्षीय शेर बहादुर खत्री आइतबार मृत अवस्थामा फेला परेका छन् । यता झापा, दमक नगरपालिका-८ बस्ने ६७ वर्षीय मोतिराज राई सोही ठाउँस्थित मकै बारीमा आइतबार मृत अवस्थामा फेला परेका छन् ।

उता गुल्मी, कालिगण्डकी गाउँपालिका-४ घुमाउनेस्थित कालिगण्डकी नदीको छेउमा हाल नाम, थर, वतन नखुलेकी महिला आइतबार मृत अवस्थामा फेला परेकी छन् । यस सम्बन्धमा प्रहरीले थप अनुसन्धान गरिरहेको छ ।