देशका विभिन्न स्थानबाट मृत अवस्थामा ७ जना फेला परेका छन् । धनुषा, जनकपुर उपमहानगरपालिका-१५ लोहनास्थित सडक छेउको सिसौको छहारी मुनी जनकपुर उपमहानगरपालिका-१७ कनकपट्टी बस्ने ७० वर्षीय महादेव साह बुधबार मृत अवस्थामा फेला परेका छन् ।

त्यस्तै उदयपुर, चौदण्डीगढी नगरपालिका-८ राजधारा खोला नजिक जंगलमा हाल नाम, थर, वतन नखुलेका करिब ६५ वर्षीय पुरुष बुधबार मृत अवस्थामा फेला परेका छन् । यता चितवन, भरतपुर महानगरपालिका-९ बिणीचोकस्थित झाडीमा हाल नाम, थर, वतन, नखुलेका पुरुष बुधबार मृत अवस्थामा फेला परेका छन् ।

यस्तै मोरङ, लेटाङ नगरपालिका-८ जाँते बस्ने ५७ वर्षीय गणेश दर्जी सोही ठाउँस्थित बाटोमा मंगलबार मृत अवस्थामा फेला परेका छन् । उता तनहुँ, बन्दिपुर गाउँपालिका-५ याम्पास्थित चाईनिज क्याम्प पछाडी कुलोमा सोही ठाउँ बस्ने ३१ वर्षीय मोहन बहादुर भुजेल मंगलबार मृत अवस्थामा फेला परेका छन् ।

यता रौतहट, गौर नगरपालिका-३ जनक बोर्डिङ्ग स्कुल पछाडी सोही नगरपालिका-४ टिकुलिया बस्ने ८० वर्षीय रामचन्द्र गिरी मंगलबार मृत अवस्थामा फेला परेका छन् । यसैगरी रुकुम (पूर्व), भुमे गाउँपालिका-१ लुकुम वरपिसी बस्ने ३५ वर्षीय तेज बहादुर घर्ति आफ्नै घरमा मंगलबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।