देशका विभिन्न स्थानबाट मृत अवस्थामा ९ जना फेला परेका छन् । दाङ, तुलसीपुर उपमहानगरपालिका-६ गोठली बस्ने ८२ वर्षीय मित्रलाल उपाध्याय आफ्नै कोठामा शनिबार मृत अवस्थामा फेला परेका छन् ।

त्यस्तै रुपन्देही, बुटवल उपमहानगरपालिका-८ शुक्रपथस्थित घरको पेटीमा हाल नाम, थर, वतन नखुलेका अन्दाजी ५५ वर्षीय पुरुष शनिबार मृत अवस्थामा फेला परेका छन् । यता पर्वत, बिहादी गाउँपालिका-६ दलबिरेस्थित सेतिखोलामा हाल नाम, थर, वतन, उमेर नखुलेका पुरुष शनिबार मृत अवस्थामा फेला परेका छन् ।

यस्तै गोरखा, सिरानचोक गाउँपालिका-६ स्थित दरौदी खोलाको किनारमा गोरखा सिरानचोक गाउँपालिका-६ चिलाउने गाउँ बस्ने ६६ वर्षीय पुर्ण बहादुर पुलामी शनिबार मृत अवस्थामा परेका छन् । यसैगरी काठमाडौं, गोकर्णेश्वर नगरपालिका-३ तारेभिरस्थित खोल्सामा सर्लाही घर भई काठमाडौं बुढानिलकण्ठ नगरपालिका-२ डेरा गरी बस्ने ५० वर्षीय सुभाष तामाङ शनिबार मृत अवस्थामा फेला परेका छन् ।

त्यसैगरी अछाम, पञ्चदेवल बिनायक नगरपालिका-६ तोली बस्ने ६१ वर्षीया कौशिला देबी रावल सोही नगरपालिका-१ स्थित किमलोटे भन्ने भिरमा शुक्रबार मृत अवस्थामा फेला परेकी छिन् । उता रूपन्देही, बुटवल उपमहानगरपालिका-६ कालिका मन्दिरस्थित पुरानो सभाहल जाने पक्की पुलको साईडमा हाल नाम, थर, वतन, नखुलेका अन्दाजी ५० वर्षीय पुरुष शनिबार मृत अवस्थामा फेला परेका छन् ।

यता बैतडी, शिवनाथ गाउँपालिका-२ खैरेनीस्थित महाकाली नदीको किनारमा हाल नाम, थर, वतन नखुलेका अन्दाजी ३५ वर्षीय पुरुष शुक्रबार मृत अवस्थामा फेला परेका छन् । यस्तै तनहुँ, ब्यास नगरपालिका-६ शेखाटारस्थित मादी नदीमा हाल नाम, थर, वतन नखुलेका अन्दाजी ३० वर्षीय पुरुष शुक्रबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।