सवारी दुर्घटनामा एक जनाको मृत्यु भएको छ । तुलसीपुर उपमहानगरपालिका-३ स्थित लाहुरे चौरस्थित सडकमा रा.१ ज ५५६ नम्बरको पिकअप सडकबाट करिब १ सय मिटर तल खोल्सामा खसेर शुक्रबार दिउँसो दुर्घटना हुँदा चालक रोल्पा गंगादेव गाउँपालिका-१ ओत बस्ने ४० वर्षीय बिष्णु पुन मगरको मृत्यु भएको छ ।

दुर्घटनामा गम्भीर घाइते भएका उनको राप्ती प्रादेशिक अस्पताल तुलसीपुरमा उपचारको क्रममा मृत्यु भएको हो । साथै दुर्घटनमा घाइते भएका पिकअपमा सवारमध्ये ६ जनाको नर्सिङहोम नेपालगंज र ३ जनाको राप्ती प्रादेशिक अस्पताल तुलसीपुरमा उपचार भइरहेको छ ।

दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।