देशका विभिन्न स्थानबाट मृत अवस्थामा ४ जना फेला परेका छन् । काठमाडौं महानगरपालिका-४ धुम्बाराही पिपलबोट बस्ने ६० वर्षीया लक्ष्मी काफ्ले आफ्नै घरमा शनिबार मृत अवस्थामा फेला परेकी छिन् ।

त्यस्तै पर्सा, वीरगंज महानगरपालिका-२१ परवानीपुर चोकस्थित आलम वर्कसपको नजिक सोही महानगरपालिका-३० लालपर्सा बस्ने ४५ वर्षीय लगनदेव यादव आइतबार मृत अवस्थामा फेला परेका छन् । यता सिन्धुपाल्चोक, सुनकोशी गाउँपालिका-७ पाङग्रेटारस्थित सुनकोशी खोलामा हाल नाम, थर, वतन नखुलेका अन्दाजी ३० वर्षीय पुरुष शनिबार मृत अवस्थामा फेला परेका छन् ।

यस्तै अर्घाखाँची, सितगंगा नगरपालिका-१४ बिक्रम पावरास्थित सूर्य ओडार नजिक हाल नाम, थर, वतन नखुलेकी महिला शनिबार मृत अवस्थामा फेला परेकी छिन् । यस सम्बन्धमा प्रहरीले थप अनुसन्धान गरिरहेको छ ।