सवारी दुर्घटनामा दुई जनाको मृत्यु भएको छ । हुम्ला, नाम्खा गाउँपालिका-२ स्थित सडकमा प्रदेश नं ३-०१०२२ च ५१२६ नम्बरको बोलेरो जिप कर्णाली नदीमा खसेर सोमबार बिहान दुर्घटना हुँदा जिप चालक धनुषा बटेश्वर गाउँपालिका-५ कालिपुर बस्ने २५ वर्षीय राजेश ह्रयाङजुन तामाङ्को मृत्यु भएको छ ।

दुर्घटनामा गम्भीर घाइते भएका उनको जिल्ला अस्पताल हुम्लामा उपचारको क्रममा मृत्यु भएको हो । त्यस्तै डडेलधुरा, आलिताल गाउँपालिका-८ कुर्ज्यानीमा सु.प.प्र.०१-००१ क १६८३ नम्बरको जेसीबी सडकबाट करिब ३५ मिटर तल कपसे खोलामा खसेर सोमबार दिउँसो दुर्घटना हुँदा जेसीबी चालक बझाङ बस्ने वर्ष २७ वर्षीय कमल बोहराको घटनास्थलमै मृत्यु भएको छ ।

दुर्घटनाका सम्बन्धमा प्रहरीले थप अनुसन्धान गरिरहेको छ ।