देशका विभिन्न स्थानबाट मृत अवस्थामा ५ जना फेला परेका छन् । प्युठान, मल्लरानी गाउँपालिका-५ खैराकोट बस्ने ४४ वर्षीय छन्द बहादुर कुमाल सोही ठाउँस्थित धरमवती सामुदायिक वनको सिसौको रुखको कापमा बिहीबार मृत अवस्थामा फेला परेका छन् ।

त्यस्तै कञ्चनपुर, बेलौरी नगरपालिका-२ टेडुवा आफ्नो माईतीमा रौतहट घर भएकी २३ वर्षीया अंजली चौधरी बिहीबार मृत अवस्थामा परेकी छन् । यता रामेछाप, मन्थली नगरपालिका-७ ढिकुरी मन्दिरस्थित तामाकोशी नदीको किनारामा दोलखा मेलुङ गाउँपालिका-७ बस्ने ५६ वर्षीय जय बहादुर जोगी बिहीबार मृत अवस्थामा फेला परेका छन् ।

यस्तै धनुषा, मिथिला नगरपालिका-६ ढल्केवर चोकस्थित सार्वजनिक ईनारभित्र हाल नाम, थर, वतन नखुलेका पुरुष बिहीबार मृत अवस्थामा फेला परेका छन् । यसैगरी मकवानपुर, भीमफेदी गाउँपालिका-८ रिठ्ठेदमारस्थित बागमती खोलाको किनारमा हाल नाम, थर, वतन नखुलेका पुरुषको शव सडीगलेको अवस्थामा बुधबार फेला परेको छ । यस सम्बन्धमा प्रहरीले थप अनुसन्धान गरिरहेको छ ।