देशका विभिन्न स्थानबाट मृत अवस्थामा ६ जना फेला परेका छन् । बागलुङ, ढोरपाटन नगरपालिका-६ छ्यान्तुङ बस्ने ५० वर्षीय सव बहादुर बिक आफ्नै घरदेखि १० मिटर टाढा छिमेकीको आलुबारीमा शुक्रबार मृत अवस्थामा फेला परेका छन् ।

त्यस्तै कपिलबस्तु, शिवराज नगरपालिका-९ रमदहवा बस्ने २४ वर्षीय भिम बहादुर घर्ति मगर सोही ठाउँस्थित छिमेकीको घर बाहिर कुर्चिमा शुक्रबार मृत अवस्थामा फेला परेका छन् । यता कास्की, पोखरा महानगरपालिका-१५ गस्तीघाट नजिक सेती नदीको खोचमा हाल हाल नाम, थर, वतन नखुलेका ६५ वर्षीय पुरुष शुक्रबार मृत अवस्थामा फेला परेका छन् ।

यस्तै संखुवासभा, चैनपुर नगरपालिका-१० दमकट्टास्थित अरुण नदीको किनारमा हाल नाम, थर, वतन नखुलेका पुरुष बिहीबार मृत अवस्थामा फेला परेका छन् । उता दोलखा, कालिञ्चोक गाउँपालिका-४ बन्चरेस्थित सडकमा पार्किङ गरी राखेको बा.३ ख ८३९ नम्बरको बसभित्र सोही बसका सह-चालक गौरीशंकर गाउँपालिका-३ मोहत्तरा बस्ने वर्ष २९ वर्षीय नारायण खत्री शुक्रबार मृत अवस्थामा फेला परेका छन् ।

यता नुवाकोट, लिखु गाउँपालिका-३ बस्ने ५५ वर्षीय रत्न बहादुर राई बेलकोटगढी नगरपालिका-१२ स्थित तादी खोलाको किनारमा बिहीबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।