देशका विभिन्न स्थानबाट मृत अवस्थामा ५ जना फेला परेका छन् । काठमाडौं, महानगरपालिका-३० डिल्लीबजारस्थित रौतहट घर भएका शम्भु साहको गोदाममा काम गर्ने बारा सुवर्ण गाउँपालिका-३० औरीया घर भई काठमाडौं डिल्लीबजार बस्ने ३० वर्षीय जयलाल राम सोही गोदामको शौचालयमा बुधबार मृत अवस्थामा फेला परेका छन् ।

यसैगरी काठमाडौं महानगरपालिका-१९ यट्खास्थित पाटीमा हाल नाम, थर, वतन नखुलेका करिब ४५ वर्षीय पुरुष र सोही महानगरपालिका-३१ शान्तिनगर सुकुम्बासी डेरा गरी बस्ने हाल नाम, थर, वतन, नखुलेकी करिब ३६ वर्षीया महिला आफ्नै कोठामा बुधबार मृत अवस्थामा फेला परेका छन् ।

त्यस्तै कञ्चनपुर, पुनर्वास नगरपालिका-९ स्थित प्यारातालको नालामा सोही ठाउँस्थित बाउण्ड्री बस्ने ६५ वर्षीय नर बहादुर सुनार बुधबार मृत अवस्थामा फेला परेका छन् । यता अछाम, साँफेबगर नगरपालिका-२ स्थित बुढीगंगा नदीको किनारमा हाल नाम, थर, वतन नखुलेको अन्दाजी ३० वर्षीय पुरुष मंगलबार मृत अवस्थामा फेला परेका छन् ।

यस्तै बागलुङ, बागलुङ नगरपालिका-३ स्थित मानव सेवा आश्रममा विगत चार महिनादेखि बस्दै आएकी हाल नाम, थर, वतन नखुलेकी करिब ७५ वर्षीया महिला मंगलबार मृत अवस्थामा फेला परेकी छन् । घटनाको सम्बन्धमा प्रहरीले थप अनुसन्धान गरिरहेको छ ।