देशका विभिन्न स्थानबाट मृत अवस्थामा ३ जना फेला परेका छन् । धनुषा,  जनकपुर उपमहानगरपालिका-१४ रजौलस्थित लवकी पोखरीको डिलमा रहेको कुट्टीमा सोही ठाउँ बस्ने ३५ वर्षीय दिनेश दास बिहीबार मृत अवस्थामा फेला परेका छन् ।

त्यस्तै नुवाकोट, सुर्यगढी गाउँपालिका-२ भिरकुनेस्थित कच्ची सडकमा सोही गाउँपालिका- ४ बेलडाँडा बस्ने ७० वर्षीय जितमान तामाङ बुधबार मृत अवस्थामा फेला परेका छन् ।

यस्तै भक्तपुर, सुर्यविनायक नगरपालिका-८ घ्याम्पेडाँडास्थित जंगलमा हाल नाम, थर, वतन नखुलेका पुरुषको शव सडीगलेको अवस्थामा बुधबार फेला परेको छ । यस सम्बन्धमा प्रहरीले थप अनुसन्धान गरिरहेको छ ।