देशका विभिन्न स्थानबाट मृत अवस्थामा ६ जना फेला परेका छन् । भक्तपुर, चाँगुनारायण नगरपालिका-८ सुडाल बस्ने ४२ केशब सुकुमनी आफ्नै घरको कोठामा मंगलबार मृत अवस्थामा फेला परेका छन् ।

त्यस्तै कैलाली, जानकी गाउँपालिका-६ धर्मपुर बस्ने ३५ वर्षीय पतिराम चौधरी आफ्नै घरको आँगनमा आइतबार मृत अवस्थामा फेला परेका छन् । यता महोत्तरी, जलेश्वर नगरपालिका-३ खैराचोकस्थित चौरमा जलेश्वर नगरपालिका-६ साउजीपट्टी बस्ने ४० वर्षीय राम श्रेष्ठ मुखिया मंगलबार मृत अवस्थामा फेला परेका छन् ।

यस्तै सिरहा, लहान नगरपालिका-१० गुदीगाउँस्थित राजदेवी मन्दिर जाने बाटो छेउमा लहान नगरपालिका-१४ बस्तिपुर बस्ने उदयपुर नेपालचार गाउँपालिका-६ घर भएका ६८ वर्षीय गंग बहादुर नेपाली मंगलबार मृत अवस्थामा फेला परेका छन् । उता बाजुरा, बुढिनन्दा नगरपालिका-७ खड्काबाडा घर भई बुढिनन्दा नगरपालिका-२ कोल्टिस्थित सोही नगरपालिकाको कृषि शाखा प्रमुखको रुपमा कार्यरत ५५ वर्षीय जयलाल दानी आफ्नै कार्यालयको निवासमा मंगलबार मृत अवस्थामा फेला परेका छन् ।

यता मकवानपुर, हेटौंडा उपमहानगरपालिका-१३ गोठदमार सल्लाघारीस्थित जंगलमा हाल नाम, थर, वतन, नखुलेका मानिसको शव सडीगलेको अवस्थामा मंगलबार फेला परेको छ । सवै घटनाका सम्बन्धमा प्रहरीले आवश्यक अनुसन्धान गरिरहेको छ ।