देशका विभिन्न स्थानबाट मृत अवस्थामा ४ जना फेला परेका छन् । कैलाली, धनगढी उपमहानगरपालिका-१२ गन्डावारी नजिक खुटिया नदीको किनारमा हाल नाम, थर, वतन नखुलेका अन्दाजी ४५ वर्षीय पुरुष बिहीबार मृत अवस्थामा फेला परेका छन् ।

त्यस्तै मोरङ, कटहरी गाउँपालिका-४ स्थित जुडी खोला किनारमा सोही गाउँपालिका-३ बस्ने ५२ वर्षीय राजेन्द्र दाहाल बुधबार मृत अवस्थामा फेला परेका छन् । यता सिन्धुपाल्चोक, हेलम्बु गाउँपालिका-२ चित्रेस्थित सिँचाईको कुलोमा सोही ठाउँ बस्ने ६५ वर्षीय च्याङा लामा बुधबार मृत अवस्थामा फेला परेका छन् ।

यस्तै कास्की, पोखरा महानगरपालिका-३३ मझुवा चमेरेघाट नजिकै पानी जमेको खाल्डोमा सोही ठाउँ बस्ने १८ वर्षीय सनम गुरुङ बुधबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।