देशका विभिन्न स्थानबाट मृत अवस्थामा ५ जना फेला परेका छन् । सर्लाही, चन्द्रनगर गाउँपालिका-४ गढहाटोलमा सोही गाउँपालिका-७ बस्ने जामुन ढांङर शुक्रबार मृत अवस्थामा फेला परेका छन् ।

त्यस्तै कपिलवस्तु, शिवराज नगरपालिका-४ शान्तिटोल बस्ने ३० वर्षीय मनिराम थारु आफ्नै घरमा शुक्रबार मृत अवस्थामा फेला परेका छन् । यता कैलाली, लम्कीचुहा नगरपालिका-६ गुलरास्थित सडक छेउमा अछाम साफेबगरनगरपालिका-७ रिडिकोट बस्ने ६३ वर्षीय बिरेन्द्र बहादुर स्वार शुक्रबार मृत अवस्थामा फेला परेका छन् ।

यस्तै पर्सा, वीरगंज महानगरपालिका-१६ स्थित पेटीमा सोही महानगरपालिका-१५ डेरा गरी बस्ने दोलखा तितेचौर गाउँपालिका-४ घर भएका ५६ वर्षीय राम बहादुर कार्की शनिबार मृत अवस्थामा फेला परेका छन् । उता गुल्मी, रुरु गाउँपालिका-६ रिमुवास्थित बडीगार्ड खोलामा हाल नाम, थर, वतन नखुलेका अन्दाजी ४२ वर्षीया महिला शनिबार मृत अवस्थामा फेला परेकी छिन् । यस सम्बन्धमा प्रहरीले थप अनुसन्धान गरिरहेको छ ।