देशका विभिन्न स्थानबाट मृत अवस्थामा ८ जना फेला परेका छन् । कञ्चनपुर, भिमदत्त नगरपालिका-११ भुजेलास्थित नहरको किनारामा हाल नाम, थर, वतन नखुलेको पुरूष आइतबार मृत अवस्थामा फेला परेका छन् ।

त्यस्तै बर्दिया, गेरुवा गाउँपालिका-६ सोनाहाफाटस्थित गेरुवा कर्णाली नदीमा हाल नाम, थर, वतन नखुलेको करिब ६० बर्षीया महिला आइतबार मृत अवस्थामा फेला परेकी छन् । यता पर्सा, वीरगंज महानगरपालिका-२३ स्थित गण्डक नहरमा हाल नाम, थर, वतन नखुलेका करिब १४ वर्षीय बालक आइतबार मृत अवस्थामा फेला परेका छन् ।

यस्तै काभ्रे, बनेपा नगरपालिका-७ पुरानो तरकारी बजारस्थित जगतनाथ मार्ग बस्ने ३९ वर्षीय प्रदिप बहादुर धिताल आफ्नै घरको कोठामा आइतबार मृत अवस्थामा फेला परेका छन् । उता डडेल्धुरा, पर्शुराम नगरपालिका-१० लामिझाला बस्ने ३५ वर्षिय प्रेम सिंह भाट सोही ठाउँस्थित जजोला बाटोमा शनिबार मृत अवस्थामा फेला परेका छन् ।

यता झापा, दमक नगरपालिका-१ नया रतुवापुल नजिक झाडीमा हाल नाम, थर, वतन नखुलेका अन्दाजी ३५ वर्षीय पुरुष शनिबार मृत अवस्थामा फेला परेका छन् । यसैगरी खोटाङ, ऐसेलुखर्क नगरपालिका-४ जलेश्वरी कटुन्जे बस्ने ४५ वर्षीया मेक माया तामाङ सोही गाउँपालिका-३ र ४ को सिमानामा रहेको कटुन्जे खोलामा शनिबार मृत अवस्थामा फेला परेकी छिन् ।

त्यसैगरी दैलेख, नौमुले गाउँपालिका-४ कालिका बस्ने जाजरकोट जुनिचादे गाउँपालिका-७ निपाने तोरीबारी घर भएका २८ वर्षीय सनक बहादुर घर्ती नौमुले गाउँपालिका-१ लोहोरे खोलाको बिच टापुमा शनिबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।