देशका विभिन्न स्थानबाट मृत अवस्थामा ८ जना फेला परेका छन् । बाँके, कोहलपुर नगरपालिका-१२ चप्परगौडी बस्ने ४९ वर्षीय लंक बहादुर शाही आफ्नै सुत्ने कोठामा सोमबार मृत अवस्थामा फेला परेका छन् ।

त्यस्तै कपिलवस्तु, विजयनगर गाउँपालिका-६ उज्जलपुर बस्ने ५० वर्षीय राम सहनी यादव गौतमबुद्ध साझेदारी वनको तारवार नजिकै घाँसे मैदानमा सोमबार मृत अवस्थामा फेला परेका छन् । यता काठमाडौं, बुढानिलकण्ठ नगरपालिका-७ हात्तिगौडा डेरा गरी बस्ने धादिङ खनायोबास गाउँपालिका-६ घर भएका ३२ वर्षीय रामकृष्ण रिजाल आफ्नै कोठामा आइतबार मृत अवस्थामा फेला परेका छन् ।

उता धादिङ, निलकण्ठ नगरपालिका-५ पतेनी बस्ने ७५ वर्षीय राम बहादुर परियार सोही ठाउँस्थित खाल्टे-धादिङबेशी सडक छेउमा आइतबार मृत अवस्थामा फेला परेका छन् । त्यसैगरी कञ्चनपुर, भिमदत्त नगरपालिका-११ बाँसखेडास्थित नहर छेउमा हाल नाम, थर, वतन नखुलेका अन्दाजी ५० वर्षीय पुरुष आइतबार मृत अवस्थामा फेला परेका छन् ।

यसैगरी कञ्चनपुर, भिमदत्त नगरपालिका-१० जीरो पोईन्टस्थित गताडी खोला किनारामा हाल नाम, थर, वतन नखुलेका अन्दाजी ३० वर्षीय पुरुष आइतबार मृत अवस्थामा फेला परेका छन् । यस्तै झापा, बाह्रदशी गाउँपालिका-१ नयाँ बस्तीस्थित अदुवा खोलाको किनारमा हाल नाम, थर, वतन नखुलेकी महिला आइतबार मृत अवस्थामा फेला परेकी छिन् ।

त्यस्तै धनुषा, मिथिला नगरपालिका-७ कृषि बजारस्थित सडक किनारमा हाल नाम, थर, वतन नखुलेका अन्दाजी ३५ वर्षीय पुरुष आइतबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।