देशका विभिन्न स्थानबाट मृत अवस्थामा ६ जना फेला परेका छन् ।  धादिङ, खनियावास गाउँपालिका-२ गुमचेकस्थित सडक छेउमा सोही गाउँपालिका-४ दार्खा बस्ने ७१ वर्षीय प्रल्हाद गुरुङ मंगलबार मृत अवस्थामा फेला परेका छन् ।

त्यस्तै स्याङ्जा, वालिङ नगरपालिका-१२ छाप बस्ने ५६ वर्षीय धनराज गोतामे सोही ठाउँस्थित मन्दिरको पेटीमा मंगलबार मृत अवस्थामा फेला परेका छन् । यता तनहुँ, शुक्लागण्डकी नगरपालिका-११ जरेवर बस्ने ५६ वर्षीय छबिलाल थापा सोही नगरपालिका-५ लन्डन बृजस्थित चउरमा मंगलबार मृत अवस्थामा फेला परेका छन् ।

यस्तै काठमाडौं, महानगरपालिका-२६ ठमेल ज्याठास्थित जिउ डिङ स्याङ होटेल एण्ड रेस्टुरेन्टको तेस्रो तलाको कोठामा तिब्बत घर भएका ३६ वर्षीय साङ्गे साङ्ग्पो सोमबार मृत अवस्थामा फेला परेका छन् । उता संखुवासभा, सभापोखरी गाउँपालिका-६ तामिङ बस्ने २८ वर्षीय मन्जित तामाङ सोही ठाउँस्थित बाटोमा सोमबार मृत अवस्थामा फेला परेका छन् ।

यसैगरी नवलपरासी (पूर्व), बिनयी त्रिवेणी गाउँपालिका-७ वनकट्टी बस्ने ५६ वर्षीय शान्तराम मुसहर सोही ठाउँस्थित रामजानकी मन्दिर नजिकै साईफन नहरमा सोमबार मृत अवस्थामा फेला परेका छन् । सवै घटनाका सम्बन्धमा प्रहरीले थप अनुसन्धान गरिरहेको छ ।