देशका विभिन्न स्थानबाट मृत अवस्थामा ६ जना फेला परेका छन् । तनहुँ, भानु नगरपालिका-१ चमेरेस्थित मस्र्याङदी नदीको किनारमा हाल नाम, थर, वतन नखुलेका करिब ४० वर्षीय पुरुष बुधबार मृत अवस्थामा फेला परेका छन् ।

त्यस्तै तेह्रथुम, लालीगुरांस नगरपालिका-७ खन्तरे टोल बस्ने ४० वर्षीय श्याम बहादुर लिम्बु सोही नगरपालिका-६ बरबोटेस्थित लम्बू खोलाको किनारमा बुधबार मृत अवस्थामा फेला परेका छन् । यता काठमाडौं महानगरपालिका-१६ बालाजु चोक डेरा गरी बस्ने धादिङ गंगाजमुना गाउँपालिका-५ घर भएका ५५ वर्षीय यक बहादुर परियार आफ्नै डेरा कोठामा मंगलबार मृत अवस्थामा फेला परेका छन् ।

यस्तै धनुषा, जनकपुर उपमहानगरपालिका-१६ पुल चोक नजिक सोही उपमहानगरपालिका-१२ हनुमाननगर बस्ने ५० वर्षीय राम सोभित्त दास तत्मा मंगलबार मृत अवस्थामा फेला परेका छन् । उता aसिन्धुपाल्चोक, पाँचपोखरी थाङपाल गाउँपालिका-५ गुन्सा बस्ने ३५ वर्षीय धने बोम्जम सोही ठाउँस्थित छेपारे ठारो खोलामा मंगलबार मृत अवस्थामा फेला परेका छन् । सोमबार दिउँसोदेखि घरबाट हिँडेका उनको खोजी गर्ने क्रममा शव फेला परेको हो ।

त्यसैगरी सुनसरी, दुहबी नगरपालिका-१२ पूर्व कुशाहा ठोका टोलस्थित सडकमा मोरङ सुन्दरहरैचा नगरपालिका-११ बस्ने ५० वर्षीय उमेश उराव मंगलबार मृत अवस्थामा परेका छन् । सवै घटनाका सम्बन्धमा प्रहरीले थप अनुसन्धान गरिरहेको छ ।