देशका विभिन्न स्थानबाट मृत अवस्थामा ४ जना फेला परेका छन् । इलाम, सूर्योदय नगरपालिका-४ श्रीअन्तुस्थित मुन लाईट होटलको कोठामा मकवानपुर हेटौंडा उपमहानगरपालिका-९ घर भई सोही उपमहानगरपालिकाका सवारी चालक ५० वर्षीय संञ्जु लोप्चन तामाङ आइतबार मृत अवस्थामा फेला परेका छन् ।

अन्य ८ जना कर्मचारीसँग ना.४ ख ७४८३ नम्बरको गाडीमा भ्रमणको क्रममा उक्त होटलमा खाना खाई सुतेका उनीबिहान मृत फेला परेका हुन् । त्यस्तै काठमाडौं महानगरपालिका-११ स्थित त्रिपुरेश्वर काल मोचन घाट नजिक रहेको प्रतिक्षालयमा हाल नाम, थर, वतन नखुलेका अन्दाजी ६० वर्षीय राजेश बाबा नामले बोलाउने व्यक्ति आइतबार मृत अवस्थामा फेला परेका छन् ।

यस्तै गुल्मी, मुसिकोट नगरपालिका-७ बसेरीस्थित खरवारीमा बागलुङ गलकोट नगरपालिका-२ घर भएका ४९ वर्षीय प्रेम लाल आइतबार मृत अवस्थामा फेला परेका छन् । उता सोलुखुम्बु,  सोताङ गाउँपालिका-२ चेपेल बस्ने करमान राईको छोरा २७ वर्षीय बिजय राई माप्यदुधकोशी गाउँपालिका-७ गाई खर्क भन्ने स्थानमा शनिबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।