देशका विभिन्न स्थानबाट मृत अवस्थामा ८ जना फेला परेका छन् । मोरङ, जहदा गाउँपालिका-५ रामचौकस्थित लहोन्द्रा खोला नजिक धनपालथान गाउँपालिका-५ सहनी टोल बस्ने ५० वर्षीय तिर्थनाथ मण्डल मंगलबार मृत अवस्थामा फेला परेका छन् ।

त्यस्तै बैतडी, पन्चेश्वर गाउँपालिका-६ रोडीदेवल बस्ने ७० वर्षीय धन सिंह भण्डारी सोही गाउँपालिका-४ गोगनपानीस्थित सडक छेउमा मंगलबार मृत अवस्थामा फेला परेका छन् । यता धनुषा, हंसपुर नगरपालिका-२ बक्चौडास्थित पोखरीको डिलमा हाल नाम, थर, वतन, नखुलेका अन्दाजी ६५ वर्षीय पुरूष मंगलबार मृत अवस्थामा फेला परेका छन् ।

यस्तै झापा, बुद्धशान्ती गाउँपालिका-४ हाप्पेन्ट चोकस्थित नालीमा हाल नाम, थर, वतन, नखुलेका करिब ४५ वर्षीय पुरुष मंगलबार मृत अवस्थामा फेला परेका छन् । उता सिरहा, गोलबजार गोलबजार नगरपालिका-३ गागन खोलास्थित बाँसको झ्याङ्गमा हाल नाम, थर, वतन, नखुलेका करिब ३५ वर्षीय पुरुष मंगलबार मृत अवस्थामा फेला परेका छन् ।

यता लमजुङ, मध्यनेपाल नगरपालिका-७ मैदानस्थित सडकको नालीमा सोही नगरपालिका-६ घर भई सोही नगरपालिका-७ सागेचौर ससुराली बस्दै आएका ३८ वर्षीय राम भक्त बसेल सोमबार मृत अवस्थामा फेला परेका छन् । यसैगरी दाङ, लमही नगरपालिका-९ अमिलिया बस्ने ६५ वर्षीय चन्द्र बहादुर चौधरी सोही ठाउँस्थित सिरिङगी खोलाको किनारमा सोमबार मृत अवस्थामा फेला परेका छन् ।

उता नवलपरासी (पश्चिम), सरावल गाउँपालिका-१ बासास्थित नालीको पानीमा हाल नाम, थर, वतन नखुलेका अन्दाजी ४० वर्षीय पुरुष सोमबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।