देशका विभिन्न स्थानबाट मृत अवस्थामा ६ जना फेला परेका छन् । उदयपुर, लिम्चुङबुङ गाउँपालिका-५ जाते बस्ने ४८ वर्षीय घमान सिंह थापा आफ्नै घरतर्फ जाने बाटोमा मंगलबार मृत अवस्थामा फेला परेका छन् ।

त्यस्तै नवलपरासी(पूर्व), विनयी त्रिवेणी गाउँपालिका-७ ब्यारेज पुलको १८ नम्बरको ढोकामा हाल नाम, थर, वतन नखुलेका करिब ३६ वर्षीय पुरुष मंगलबार मृत अवस्थामा फेला परेका छन् । यता काभ्रे, पनौती नगरपालिका-३ घ्याल्पुस्थित घ्याल्पु खोलामा हाल नाम, थर, वतन नखुलेका ४० वर्षीय पुरूष मंगलबार मृत अवस्थामा फेला परेका छन् ।

यस्तै सुनसरी, धरान उपमहानगरपालिका-१५ चुम्लुङपथस्थित टहरो अगाडि सोही उपमहानगरपालिका-११ गैरीगाउँ बस्ने ५३ वर्षीय सन्तोष तामाङ सोमबार मृत अवस्थामा फेला परेका छन् । उता तनहुँ, शुक्लगण्डकी नगरपालिका-५ बेलचौतारास्थित सेती नदीको किनारमा हाल नाम, थर, वतन नखुलेकी अन्दाजी ६५ वर्षीय महिला सोमबार मृत अवस्थामा फेला परेकी छन् ।

यता मोरङ, सुन्दरहरैचा नगरपालिका-३ ईराक टोलस्थित रुप नारायण चौधरीको घरमा बस्दै आएका हाल नाम, थर, वतन नखुलेका अन्दाजी ६० वर्षीय पुरुष सोही घरमा सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहको छ ।