एसिया कप क्रिकेट प्रतियोगिताका लागि रोहित कुमार पौडेलको कप्तानीमा १७ सदस्यीय टोली घोषणा गरिएको छ । सोमबार नेपाल क्रिकेट सङ्घ (क्यान) ले पौडेलको कप्तानीमा १७ सदस्यीय टोली घोषणा गरेको हो ।

उक्त प्रतियोगिताको तयारीका लागि नेपाल एक साता अघि नै पाकिस्तान जाने र नेपालले पाकिस्तानमा एसिया कपको अन्तिम तयारी गर्ने क्यानले जनाएको छ । एसिया कप आगामी भदौ १३ देखि ३१ गतेसम्म पाकिस्तान र श्रीलङ्कामा आयोजना हुनेछ । नेपालले पहिलो पटक एसिया कपमा सहभागिता जनाउन लागेको हो ।

प्रतियोगितामा सहभागी हुने टोलीलाई दुई समूहमा विभाजन गरिएको छ । नेपाल समूह ‘ए’ मा रहेको छ । समूह ‘ए’ मा नेपालसहित भारत र पाकिस्तान छ भने समूह बी मा बंगलादेश, श्रीलंका र अफगानिस्तान रहेका छन् ।नेपालले पहिलो खेल भदौ १४ गते (३० अगष्ट)मा पाकिस्तानसँग मुल्तानमा खेल्नेछ भने दोस्रो खेल भदौ १८ गते (४ सेप्टेम्बर)मा श्रीलंकाको केन्डीमा भारतसँग प्रतिस्पर्धा गर्नेछ ।

यस्तो छ नेपाली टोली :
कप्तान रोहित कुमार पौडेल
आशिफ शेख
कुशल भुर्तेल
ललित राजवंशी
भीम सार्की
कुशल मल्ल
दीपेन्द्र सिंह ऐरी
सन्दीप लामिछाने
करण केसी
गुल्सन झा
आरिफ शेख
सोमपाल कामी
प्रतिश जिसी
किशोर महत्तो
सन्दीप जोरा
अर्जुन साउद र
श्याम ढकाल