काठमाडौंबाट जुवातास खेलिरहेको अवस्थामा पाँच जना पक्राउ परेका छन् । काठमाडौं महानगरपालिका-१६ कालधारास्थित लामा चिया पसलमा जुवातास खेलिरहेको अवस्थामा आइतबार दिउँसो प्रहरीले पाँच जनालाई पक्राउ गरेको हो ।

पक्राउ पर्नेमा काभ्रे भुम्लु गाउँपालिका-२ घर भएका ४१ वर्षीय राम बहादुर थापासहित ५ जना रहेका छन् । विशेष सूचनाको आधारमा प्रहरी वृत्त लैनचौरबाट खटिएको प्रहरीले उनीहरूलाई  पक्राउ गरेको हो ।

जुवाखालबाट प्रहरीले नगद ३४ हजार १ सय २५ रूपैयाँ र ३ बुक तास बरामद गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।