देशका विभिन्न स्थानबाट मृत अवस्थामा ५ जना फेला परेका छन् । दाङ, शान्तिनगर गाउँपालिका-३ केराघारी बस्ने ५९ वर्षीया धनमाया पुन सोही ठाउँस्थित बस्तीखोलाको कुलोमा सोमबार मृत अवस्थामा फेला परेकी छन् । साउन ३० गतेदेखि घरबाट हिँडेकी उनको खोजी गर्ने क्रममा शव फेला परेको हो ।

त्यस्तै बैतडी, पञ्चेश्वर गाउँपालिका-४ कन्ना बस्ने १४ वर्षीय रमेश भट्ट सोही गाउँपालिका- ४ वल्यास्थित जंगलमा सोमबार मृत अवस्थामा फेला परेका छन् । गत साउन ७ गतेदेखि हराई बेपत्ता भएका उनको खोजी गर्ने क्रममा शव फेला परेको हो । यता जाजरकोट, छेडागाड नगरपालिका-६ सुवानाउली बस्ने ७० वर्षीय कलविन टमाटा सोही ठाउँस्थित गोठाकुना भन्ने जंगलमा सोमबार मृत अवस्थामा फेला परेका छन् ।

यस्तै कास्की, पोखरा महानगरपालिका-२६ बुढीबजार डेरा गरी बस्ने पाँचथर घर भएका ४० वर्षीय सन्तोष लिम्बु आफू सुत्ने कोठामा सोमबार मृत अवस्थामा फेला परेका छन् । उता नवलपरासी पश्चिम, सुस्ता गाउँपालिका-२ गुडरीयास्थित गण्डक नहरको छेउमा हाल नाम, थर, वतन नखुलेका पुरूष सोमबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।