देशका विभिन्न स्थानबाट मृत अवस्थामा ७ जना फेला परेका छन् । उदयपुर, त्रियुगा नगरपालिका-२ बहेडुवास्थित खोलाको किनारमा सोही नगरपालिका-२ मोथ्याई बस्ने ७० वर्षीय ईन्द्र बहादुर परियार बुधबार मृत अवस्थामा फेला परेका छन् ।

त्यस्तै पाँचथर, याङबरक गाउँपालिका-१ ढाँडेगाउँ बस्ने ३५ वर्षीया सोना राई सोही गाउँपालिका-१ च्याङथापुस्थित मेवा खोलामा मंगलबार मृत अवस्थामा फेला परेकी छन् । यता गोरखा, भिमसेन थापा गाउँपालिका-१ मसेल सपाङ्गे घर भइ हाल सहिदलखन गाउँपालिका-३ बनौती बस्ने ५५ वर्षीय मंगले परियार सोही ठाउँस्थित एक्लेबर जंगलको गोरेटो बाटोमा बुधबार मृत अवस्थामा फेला परेका छन् ।

यसैगरी गोरखा, आरूघाट गाउँपालिका-९ र भिमसेन थापा गाउँपालिका-३ को सिमानास्थित स्टिल खोला र बुढिगण्डकी नदीको दोभानमा गोरखा नगरपालिका-१ अज्मरे बस्ने ७६ वर्षीय हरि प्रसाद भट्ट मंगलबार मृत अवस्थामा फेला परेका छन् ।

यस्तै पर्सा, पर्सागढी नगरपालिका-३ झब्राहास्थित धान खेतमा सोही नगरपालिका-५ बस्ने ३५ वर्षीय श्री भगवान साह मंगलबार मृत अवस्थामा फेला परेका छन् । उता सोलुखुम्बु, सोताङ गाउँपालिका-४ बुरगम बस्ने ६९ वर्षीय गोरे तामाङ सोही ठाउँ बस्ने देवान सिंह राईको घरमा मंगलबार मृत अवस्थामा फेला परेका छन् । साथीको घरमा पाहुना आई सोमबार बेलुकी खाना खाई सुतेका उनी बिहान मृत फेला परेका हुन् ।

त्यसैगरी नवलपरासी पूर्व, बिनयी त्रिबेणी गाउँपालिका-७ लक्ष्मीपुरस्थित पिपलको चौतारीमा हाल नाम, थर, वतन नखुलेका अन्दाजी ६५ वर्षीय पुरुष बुधबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।